( قلب بوسع السما والأرض )
مهداة :
للشاعر محمود مغربى
....................
شعر:
راضية حسب الله
.................
لما تكون
مخنوق من همك
تكسر قلمك
يتسرسب
من إيدك حلمك
تمشى وشايل جواك وجعك
حابس دمعك
جوه عينيك
متكسره جواك أمانيك
متبعتره تحتك خطاويك
دنيا ما فيها
حد يحسك
ولا قلب يرفرف حواليك
وف عز الدوشه
تصيبك دهشه ! !
لما تصادف أجمل قلب
قلب بوسع السما والأرض
قلب
بيقدر جواك يرحل
يداويك
ويخليك تتزلزل
ويقلك
تَبت على حلمك
إمسك قلمك
إكتب
وإبدع
حاول تلمع
خلى الكلمه سفير لمشاعرك
بيها العالم يفضل فاكرك
زى مافاكر أجمل قلب
قلب بوسع السما والأرض
قلب
ومهما يصادفه الحزن
يدى
وعمره ف مره ما أن
جواه بتلاقى الإنسان
وف إيده ريشة فنان
خلَى الكلمه سفير لمشاعره
بيها العالم
دايماً فاكره
فاكر أغلى وأجمل قلب
قلب بوسع السما والأرض!!!!
جميل يا ابو حنف
ردحذفتحية لك وللشاعرةضيةحسب الله
شكرا للجميل والقاص محسن النوبى
ردحذفوصباح الابداااع