-صرخة أمل
شعر:
شادية الملاح
................
جوايا آه متعلقة ف خيط المحال
زى الوليد فى الشرنقة
لفاه حبال
يصرخ ينادى يخنقه صوت السكات
على أيه يفكر
فى اللى جاى ولا اللى فات
يفرح ساعات
يبكى اهات
ملفوف وليدنا بالحرير
وبرغم ذلك يستجير
أسكت بقى
واخرج خلاص م الشرنقة
و اعمل مظاهرة احتجاج
على صمت ملفوف بالحبال
و أسأل كمان أيه لزمتك
وعلى صوتك فى الفضا
حرر آهاتك فضفضه
و انسج حريرك كام وتر
واعزف امل
وابداْعمل
و اهرب كمان م المحتمل
وأمشى فى شعاع الشمس
دور على الدفا
دوب جليد صمتك
وعيش مليون سنه
دا مفيش فنا
لصرخة تخرج م الشقوق المظلمة
لسه الأمانى ممكنه
بعد الجراح المزمنة
افتح و دور فى الكتاب
و افرح بقى ليه لاكتئاب
واغزل حبال صمتك حجاب
واطلب حقوق بث الفضائى لصرختك
وعلى صوتك كلمتك
بآذان يدوى يكتمل
فينا الأمل
و أرفض تكون شئ محتمل
*****جرأة
كانت بتسمع همسنا
وماعدش باقى من القدر غير كلمتين
كلمه بترسم ضحكتك فوق الجبيِِـــــن
والتانيه لقمه بتحدفيها تملاجوف الشقيانين
وانااللى بحصدمن هواكى سنين طوال
وقلبى ماشى فى سكته عايش على امل الوصال
كان نفسه مره تعرفى اجابة السؤال
لحظة ما كنا بنحتمى تحت الرصاص
وكنتى واقفه بتضحكى فى وش الزمن
لكنى بادفع التمن
ولقتنى واقع فوق دماغى كوم تراب
ولسه برسم ضحكتك فوق السراب
وبرغم كل الهم فى الزمن العجيب
شايفه البشاشه مابين ايديه
بيصرخ ويعلن عن وصوله
عاوز يشوف الهم فين
ويرمى وراه ..رموز بالحكم ياما اتكبروا.واتجبروا
فاكرين زماننا كان لهم
مع انه جاى يرمى بخيره فى حجرنا؛
وكلامه كان كله يقين . ساْل السؤال
ياولادى ليه متكتفين؟؟
واحنااللى من كتر الزهق جواناثورة الف عام
طب ليه ننام؟
اْوليه نسيبه لوحده يجمع شملنا ياااااااااااااغلبنا
حتى الحروف جوه كتاب الهم كات متسكنه
وكل الوجوه متلتمه مرسوم عليها الحزن
واغترابنا وحزننا
مع اننا لوعدناتانى لربنا
راح تعرفى اجابة السؤال والاقيكى طالعه للقمر
بجناح كبيييييييييييييييييييييييييييير
وبرغم كل الزمهرير
لسانى باحلم بالامل ونهار جديد
اماالعنيد؛
لساه بيسجد للوثن
ولاْنه رافض يوم يموت مع ناس بتتمنى الحياه
هايقوم يجهز للسفر
ولاْنه عاش عمره جبان
لملمت كل الجراْه فى القلب اللى مات
علشان يدوق منها الغشيم
مر السكات!!
-
ليست هناك تعليقات:
إرسال تعليق
أهلا بكم..
أشرف بتعليقاتكم..
محبتى