-
-
-قرار
شعر:
شادية الملاح
الاسماعيلية/ مصر
..............
منيتى
افرح وادندن بالغنا
وارقص على حبال الهوا
بس القلوب متكلفته بتوب الفراق
وسنين بترسم ع الجليد
صورة لاحساسنا القديم
والقلب نايم ع الرصيف
عطشان لايام الدفا
ومابين حقيقتك والسراب
دخلانى حالة اكتئاب
حتى السمالابسه الحداد
والخوف بيحضن فى السكوت
وسنين عجاف
وخريف يقطع فى الورق
امتى ياموت تصبح حياه
الليل بينزف زكريات
رافض يكون لحظة ندم
كل الملامح تايهه منى فى الوشوش
والشمس يخنقها الحصار
مليت انااحلام الصغار
من يوم ماكنتى بتندهى
حبى اللى غاب
لكنى برضوايوم هاعود
وارقص على حبال الهوا
زى النسيم
ولانى عشمان فى النجاه
راح تبقى ضله لعشناالدافى الحنون
لساكى برضوابتلعبى بياالقمار
واناعمرى كان
مرهون فدا
حبى القديم
مات الحنين
وبرغم احساسى اللى شاب
فى عطر احلام العذارى
لازم يكون اخرقرار
انى احرق قلبى بيكى!!
ليست هناك تعليقات:
إرسال تعليق
أهلا بكم..
أشرف بتعليقاتكم..
محبتى